Омарова Хадиша Сабыровна Алматы

26-шы қалалық емханада гастроэнтеролог болып қызмет ететін Омарова Хадиша Сабырқызы туралы өз пікірімді білдіргім келеді. Ол білімді, білікті, ақ халаттың асыл маманы. Ол мені мұқият қарап, барлық сараптамалардың динамикасын егжей-тегжейлі зерделеп, тағайындалған емнің нәтижелерін бақылады — мұның бәрі дәрігердің өз жұмысына өте жауапкершілікпен қарайтынын және оның кәсіби шеберлігінің өте жоғары деңгейде екенін көрсетеді. Әрбір сырқаттанған науқас дәрігерге өзінің ең маңызды әрі ең қымбатты денсаулығын түзеймін деген үмітпен, сеніммен келеді. Дәрігердің нақты қойылған диагнозы мен сапалы емінің арқасында денсаулығым жақсарған мен Хадиша Сабырқызына алғыспен пікір білдіремін. Біздің емханада осындай жоғары білікті де жауапкершілігі мол дәрігердің жұмыс істеп тұрғаны қуантады. Хадиша Сабырқызының әрдайым науқастардың алғысына бөленіп, еңбегі жаңа биіктерден көрінуіне тілектеспін. Аршабаева Жанат Қабденқызы.